I Toupa Jesu Khrist min in CDSC sik leh tang in Dorcas Day & Nute Nipi chibai kon buk hi!

Dorka Pawl toh kisai kizaksakna:
Dorka Pawl kum 67 chingta - January 21, 1950 kum a Dorka Pawl na kipan khia Pathian makaihna toh tukum Dorka Pawl kum 67 chinna hita hi.

Dorcas Day a 16vei – January 21, 2001 a Dorcas Day i na zat pat uh tukum Dorcas Day i zat uh a 17 veina hita hi. Tukum Dorcas Day/Nute Nipi thohlawm Tualsung Dorka Pawl Fund a lut ding ahi. Tukum Dorcas Day thupi “Na omdan uh Khrist

Tanchinhoih toh kituaksak phot phot un” (Phil 1:22) chih ahi a hiai tungtawn in Pathian in hon vualzawl chiat hen.

DORCED Project: DORCED Project i pat nung kum 5 hita a, naupang i chawmte Class III apan Class XII tan ahi. Amaute lak ah Clas X pass 4omta hi. Nikum final exam a mark 80% tunglam mu mi 22 om a tuate kipahman in Rs 1,000/- chiat kipia hi.

Tukum final exam a 85% marks tunglam mute Award kipe nawn ding hi. Final exam a failte kichawm zawmlou a, a pass chawmna ngenthakte kichawm zom hi.

Puankhui zilna - DORCED Project nuai a Puankhui zilna May kha tawplam a pat kisawm hi. Kingen utten mahni omna Division Office ah a form muhtheih.

Dorka Khawmpi Lian 41na: September 7-10, sung EBC Gospel Centenary Hall, New Lamka ah om ding thumna in phawk ni.

Pathian in Dorcas Day & Nute Nipini tungtawn in hon vualzawl chiat hen. 