Tu kha in DORCED Project Naupangte toh kisai anuai a tamloute i taklang ding:

DORCED Award toh kisai: DORCED Project nuai a chawm naupang 2016 kum a final examna a marks 80% tunglam mu award sang hiai bang ahi uhi: Thanlon Division ah 2, Vangai Division ah 1, Singngat Division ah 3, Mizoram Division ah 5 leh Ebenezer Acedemy ah naupang 16 in mu ua,a vek ua gawm in naupang 27 in award sang uhi. Amaute kiang ah kipahman in Rs. 1,000.00 chiat kipia hi. Tukum 2017 final examna a mark 85% tunglam mute award kipe nawn ding hi.

DORCED Project panpihna: DORCED Project panpihna hong lut zel a kipahhuai mahmah hi.
1. EBCC Central Delhi Dorka Pawl in hun paisate ah a lemtan bang zel ua DORCED huhna a piak zel pen uh March 2017 apan khateng a Rs.2,000/- a pang zel ding in panla ua, kipahhuai i sa hi.
2. Mrs Thangngaihvung, EBCC Pearsonmun in a tapa Khammuansang class III ahih apan DORCED Project nuai a chawm a om tua class V simta a kipah luat ziak in a siamgat man a sum muh Rs. 1, 000/- DORCED huhna ding in pia hi. Neih leh neihlouh ziak hilou a Pathian itna ziak a hiai bang nasep kipahhuai leh ettontak i sa hi.
3. Khalui in Kolkata Dorka Pawl lak a pan in DORCED huhna Rs. 500 hong lut a kipahhuai hi.

DORCED a ding a kiphaltak a thilpiak petute ziak in kipahthu i gen a Pathian in amaute vualzawl zel leh chih i deihsak hi. 