BYF, BDF, BCD Corner | KTZ

    KTZ
    BYF, BDF, BCD Corner

    Dorcas Corner | September 2021

    Pathian a hoih a, September kha tanpha muthei dia damna hon piak ziak in kipahthu gen ni. Simtute i Toupa Jesu Khrist min in itna chibai kon buk hi.

    Platinum Jubilee vai toh kisai: Dorca pawl dinkhiak nung tukum a kum 71na ahih toh kiton in CDSC in a nuamthei leh manphatheipen a zat ding in September 10-12, 2021 sung kigeel hi. Himahleh khovel bouruak hoihlou leh i dinmun enkhawm in CDSC in hiai hun a programme bawl pen lemtanglou phot ding a bat ziak in ahun suan gamlat phot ahi. Pathian kiang a thumkawm zel in hun thoveng leh manpha hon piakna ding in i thumna ua phawk zel ding in ka hon ngen hi.

    Dorced nuai a lohchinna ngahte: I thumnate dawn a om in hiipi leng lak ah humbit in i om lailai a, naupang chawmte’n a kallak ah online tungtawn a sim in amau heutute makaihna nuai ah sintou theizel uhi. Tuaban ah Class X & XII te’n Board Exam kum dang bang in neikei mahle uh BoSEM thusuak dungzui a a result uh puankhiak a om in Dorced a teng inleng pawl suanthei dia hong om man un kipahhuai i sa hi. Sum-le-pai, tha-le-zung i sennate thawnlou ahihman in DORCED ading in nakpan sem ni. A result uh hiai anuai a bang ahi:

    ClASS - X
    1. Vungnunhoih I 65.16%
    2. Chinsonmuan Samte I 67.83%
    3. Thangmuanmang Tombing I 72.83%
    4. B Lamsuanlian I 65.5%
    5. Thangsonlian I 61.5%
    6. Chingngaihhau II 48.5 %
    7. Dalgoumuan II 49.5%
    8. Lamneihkim II 56.66 %
    9. Pauthanlian II 50.5 %
    10. Niangnunmawi II 57.66 %
    11. Manlaldin II 57.66 %
    12. Sangminlun II 51. 66 %

    CLASS XII (Science)
    1. Chingngaihmawi I 70.6 %
    2. Khupneiting I 74.2 %
    3. Kimhoihching I 72.4 %
    4. Benjamin rongpi I 55.2 %
    5. Lallawmawma I 60 %

    (Arts)
    1. Nancy Khualnei I 70%
    2. Neihmuankim I 65.8%
    3. Niangmuanching I 71.6%
    4. Ningngaihmuan I 70.4%
    5. Thawnbiaklal II 57%

    HUHNA:
    Nu Biaklun leh Nu Vanlalruat te’n DOTPROJ a ding puankhui khawl hoihtak khattuak hon pia ua i kipak mahmah hi. Amaute Toupa’n aleh tamsem in vualzawl zel hen!
    EBCC Suangdoh in DORCED huhna ding in amau lam a piang tangmai, dawnpawl leh meh theih chi tuamtuam hon khak man un EBCC Suangdoh TBDF te tung ah kipahna lian mahmah hi.