Pathian hehpihna ziak in hun thak ni thak piak in i om thei zel a a kiang ah kipahthu i gen hi. COVID 19 hileng ziak a lockdown in hun sawtsimtak om in puankhui training pat ding i chih hun in pan theikei mahlehang 2nd July in kipantheita hi. Hiai tantan hon makaihtu Pa Pathian min ka phat hi.

Programme zatdan: 2nd July, 2020 (Ningani) in Training hun ding honna, training dingte khatlekhat kivaidawn tuahna in kizang hi. Tuaban ah amaute ading a thumsakna leh salam leh khalam a itna leh deihsakna toh hanthawnna Heutupa Rev Paukhanmang Guite GS in nei hi.

3rd July Sintawpni in orientation class Heutupa Rev Gin Malsawm Director (SD) in DOTPROJ Management Rules nouneltak in hon gen chian hi. Nitaklam in Heutunu Nemngaihmawi in ‘Gamtat khohei kilawm’ chih thupi a nei in hun hon zang hi. Tuin Heutunu Miss Chiinhoihkim Instructor makaih in mi 9 in training panta uhi.

Dorced a naupang laisim i chawmte leh puankhui i sinsakte adia khateng a sumlepai i phalzah i thohkhawm zelte a thawn hilou a hi chih mangngilh kei ni. Mimal leh pawlpite hiai project ading in chiklaipeuh a pantheih gige a hi chih leng i kizasak ngal hi. Toupan trainingte makaih in pitou zel hen. DORCED ading a huhna hong lut zel — G Lianlam & Family Langgol Rs 500/- khateng in pang ta uhi.