Tukum ading a khatawpna tanpha hon pi i biak Pathian leh a tapa Jesu Khrist kiang ah kipahthu gen in a min i phat hi. Dorcas’ Corner ngaina a ana sim zelte Jesu Khrist min in chibai kon buk hi. Pathian in hon pizel in Division leh local level a BDF ten mahni year plan-te a tamzaw tham semkhinta a vualzawl na tampi i tante ziak in kipahthu gen ni. Headquarters level a i sepkhawmna Dorced Project-te (Naupang chawmna leh Puankhuina) leng paihoih zel a kipahthu gen ni. Huan kumtawp kuan a dingta i hihman in naupangte exam hong naita a abiik in naupang chawmte’n a laisimna uah hoih leh chidamtak a hong exam ua, result hoihtak i muhtheih na ding in Pathian kiang ah thumpih ni. Huan puankhuite leng siam mahmah ta ua na order bangbang hon khuisak thei ding uhi. Kum thak Pathian in dam a hon muhsak i kilamen a, naupang chawmna toh kisai in tua i chawmte ban ah athak 17 lakbeh ding kisawm hi. Division teng ah theihsakna hawmkhiak a hi a, a poimoh leh kul theihtuakte mahni Division Headquarter ah lunggulhna neiten ana ngaihven ding in i kizasak hi. Huan hiai i project poimohtak it leh ngaina a mi kiphal mimal leh pawlpi khateng a sumlepai leh a van a hong pang gigete Pathian min in na vek ua tung uah kipahthu kon gen hi.

DORCED HUHNA HONG LUT ZEL
1. Bethel Baptist Church, BDF Lailam Veng. Rs 5,000/-
2. EBCC, BDF Shillong. Rs 20,000/-
3. Dorced Tailoring in training kawm a puankhui ding order omte a khui zelna man uh April kha apan Hdqrt. a a submit uh. Rs 28,190/-

Toupa’n a tamzaw sem in noute hon vualzawl hen.