BYF, BDF, BCD Corner | KTZ

    KTZ
    BYF, BDF, BCD Corner

    YOUTH LEADER’S CONFERENCE

    Central Baptist Youth Fellowship Committee in Year Plan a aneih sepsuahna hiding in leh heutute lemsakna toh hong tung ding January 4-7, 2020 sung EBCC Mimbung, Mizoram Division ah BYF Youth Leaders’ Conference -cum- TUAILAI 2020 Motivation Phase I neih ding sawm ahi. Hiai Conference in Local, Division leh Headquarters apan in Tuailai Makaite (Heutu/Committee) huam ding hi. Programme toh kisai a tangpi hiai anuai a bang in hong kitaklang hi.

    CONFERENCE MIN: BYF YOUTH LEADER’S CONFERENCE-cum-TUAILAI 2020 MOTIVATION

    CONFERENCE NEIHNA MUN DING LEH AHUN DING:

    Amun ding: EBCC Mimbung, Mizoram Division.

    Ahun ding: January 4-7, 2020 sung.

    CONFERENCE IN A TUP:

    1. Headquaters, Division leh Local chih a Tuailai makaite thu leh la a kithuahkhawmna.

    2. Khristian Tuailai Makaihna (Khristian Youth Leadership) toh kisai a kisinsakna.

    CONFERENCE A TELDINGTE:

    1. Division teng leh Local a BYF Committee member teng

    2. Headquarters apan CBYF Member teng leh EBC Central Choir member teng.

    RESOURCE PERSON DINGTE:

    1. Headquarters lam apan:

    a. Rev K Kamchinkhup: Youth & Missions leh Christianity in Work Place.

    b. Rev S Vung Minthang: Gospel Prosperity & Contemporary Worship.

    2. CBYF lam apan:

    a. Music in Worship Research Team

    b. Youth Issue Research Team

    LAMPAI DINGDAN TOH KISAI:

    1. Conference a hoh ding peuhmah kuan leh pai a lamkal a nek leh dawn peuhmah Local leh Division BYF te mahni in a kisen/kitum vek ding uh.

    2. Conference a hoh dingte lam paina ding toh kisai in gari Local leh Division chih a mahni kingaihtuah zou ding a lam-et ahi.

    3. Lampaina ding toh kisai in Lamka North & South Division sung a local BYF te Division BYF heutute toh ana kithuzak ding ua, Imphal, Vangai, Thanlon, Singngat te Division BYF heutute kiang a bangkim mohpuakna piak ahi.

    REGISTRATION FORM & CARD:

    Conference a hoh dingte peuhmah registration bawl ding. Registration Form DBYF heutute kiang ah muh theih ding, Registration card leh a poimoh bangbang Division chih tungtawn a local a hawmkhia hidia a kaihkhawm hun ding in Nov. 30, 2019 last date ahi ding.

    INNTEKNA LEH ZINTUNNA:

    1. EBCC Mimbung biakinn zat dia ngim ahihman in Inntekna bangkim Local BYF in ana lak ding ua nget ding.

    2. DBYF, EBC Mizoram Division in a kul leh poimoh bang in ana kithuahpih ding.

    3. Zintunna leh giahna Localte’n arrangement honna bawlsak bangbang uh set ding.

    GAHMUH DING A LAMET:

    1. Tuailai makaite’n gam leh nam, khotang, saptuam, leh innkuan sung a mohpuakna phawkthakna om ding.

    2. Tuailai tamtak Pathian gam nasepna leh tanchinhoih puanzakna ding a konglianpi kihong ahihdan leh huai a sem ding a Pathian in hamphatna hon piak pen sem ding a kalsuan khiakna.

    3. Tulai hun a Jesu Khrist nungzui muanhuai hihna leh Amah min thupina ding a a hoihlam leh Laisiangthou toh kituak a kikhekna tun sila heutu hiding a kipiakthakna om ding.

    4. Pathian Biakna leh Phatna nuam leh suaktatak a zatna in tuailaite Pathian thu leh khalam a dangtakna hon tun ding.

    Programme lohchinna ding leh gahsuahna ding in thumna ah phawk chiat ni.