BYF, BDF, BCD Corner | KTZ

    KTZ
    BYF, BDF, BCD Corner

    Dorcas Corner | June 2019

    Khathak damtak a hon musak i biak Pathian leh i Toupa Jesu Khrist min manpha in Dorcas Corner simtute itna chibai kon buuk hi.
    Apaisa May kha Nute’ Nipini leh Dorcas’ Day kithuah, khuachih i saptuam omna teng a Dorka pawl makaih a Pathian hehpihna leh a khasiangthou ompihna toh zangzou thei a i om man in kipahhuai petmah hi. Mun khenkhat ah sihna in vaihawm mahleh hun lemtang enkawm a mahni mun chiat a hiai i special ni a tamzawten nuam leh kipaktak a zang siausiau i hi chih i theih man in Pathian min i phat hi. A ni in hon beisan mahleh hiai hun a thu manpha taktak leh khalam leh salam a masawn dia hon kalsuansak thei ding thuhoih i zakte mahni hinkhua a sinkhia leh zangkhia a hinpihthei chiat ding in Pathian in hon vualzawl hen!

    Thu kipahhuai
    Tutung Manipur Board nuai a Class X leh Class XII Examination – 2019 result suak ah DORCED Project nuai a i chawm naupang hiai anuai a-te’n lohchinna hon ngah ua amaute i kipahpih mahmah a chibai buk in Pathian min i phat hi. A result uh anuai a bang ahi. Maban ah leng a hong lohchin touh zel uh deihsakna sangpen i pia hi.
    Sl. MIN Class Division School
    1. Chingngaihmawi X First Ebenezer Academy
    2. Benjamin Rongpi X First Ebenezer Academy
    3. V. Paukhanthang X First Ebenezer Academy
    4. H. Thawnbiaklal X First Ebenezer Academy
    5. Ningngaihmuan X First Ebenezer Academy
    6. Khupneiting X Second Ebenezer Academy
    7. Neihmuankim X Second Ebenezer Academy
    8. Niangmuanching X Second Ebenezer Academy
    9. Ginbiakthang X Second Ebenezer Academy
    10. Lallawmawm X Second Mimbung E/S, Mizoram
    11. Nancy Khualnei X Second Jiribam Model H/S,
    Jiribam, Vangai
    12. Ningthianhoih XII (Sc) First Ebenezer Academy
    13. Jamngaihhau XII (Arts) Second Ebenezer Academy
    14. G.Thangsianmung XII (Arts) Second Ebenezer Academy,
    (Letter mark in MIL)
    15. L.Pausuanding XII (Arts) Second Ebenezer Academy
    16. S. Thuamminlian XII (Arts) Second Ebenezer Academy

    DORCED HUHNA HONG LUT ZEL
    EBCC Teikhang BDF in Rs. 3000/-; EBCC Mualpi BDF in Rs. 1000/- leh EBCC Tonglon (P) BDF in Rs. 5000/- DORCED huhna ding in hon pia uhi. Amaute, Pathian in a tamzaw sem in vualzawl zel hen.