Thumapi: Heutute’n Tu kum 2020 Thupi Kemtu Muanhuai chih thulu pansan a “Pathian Thu Kemtu Muanhuai” thupi a neia thugelh ding a hamphatna hon piak ziak un lungdam huai ka sa hi.

Kemtu: Kemtu (Steward) chih thumal Bible ah leng bangzah hiam i mu hi. Misiamte’n definition tuamtuam a piakte uh lak ah khenkhat taklang leng i chi hi. “Mi dangte thilneih, inn hiam gou thupite enkol ding a goihte genna ahi” (a person employed to manage another’s property, especially a large house or estate). “Midang thilneihte zek leh enkaitu” (manage or look after another’s property) chiin Dictionary khenkhat in a hilhchian hi. Charles Bugg in Laisiangthou toh kituak Kemtu hihna (Biblical stewardship) tuh “Pathian in ei a hihtheihna hon piak tengteng Pathian min thupina ding leh a thilsiamte hoihzawk semna dia zat leh zek siamna ahi” (Utilising and managing all resources God provides for the glory of God and the betterment of his creation) a chi hi. Taylor University in Kemtu Muanhuai hihna dia poimoh hiai bang in a hilhchian hi: “Stewardship (Kemtu hihna) kichi tuh Biakinn a i pai chiang a i thillat i tawite toh kisai himailou in, thilpiak i piak zoh chiang a i neihlai te tung a i thilhihdan tungtang thu ahi zaw” chiin a hilhchian uhi. Tuin a masa in in tukum i thupi uh 1Kor. 4:1-2 “Koute zaw Khrist nasemte leh Pathian thuguk kemte bang in mi’n hon thei uhen. Hiai ah kempa tuh mi muanhuai hih a kiphamoh hi” chih thu pansan in Kemtu hihna Paul in a gen Chi 3 misiamte hilhchetna pansan in i en masa ding uh.

Khrist Nasemte: Laisiangthou toh kituak sikha nasep tuh i kim i kiang a mite salam leh khalam taksap/poimohte khasiangthou thahatna toh itna a sepsuah ahi, a gah bel Pathian khut a ngak ahi. (Biblical Servanthood can be define as loving acts perform in the power of Holy Spirit to meet the temporal and spiritual needs of those around us- and leaving the result to God). Phil. 2:1-8.

Pathian Thuguk Keem: Pathian thuguk i chih Khalam thutak kilakna tungtawn kia a theiHkhiak ahi. Pathian in a tanchinhoih zuite kiang a lakkhiak ahi (Mysteries of God are spritually truths known only by revelation. God reveals His mysteries to those who are obedient to the gospel). @Paul 2Cor.12:1ff.

Muanhuaina: Khristian kemtu hihna tuh Pathian thilpiak ei a om pilhuaitak-a zang ding a zeek dia mohpuakna ahi. Khristian kemtu hihna tuh sumlepai vualzawlna hon piakte tung a mohpuakna lel hilou in khasiangthou tawn a khalam thilpiak honpiakte tung a mohpuakna leng ahi. (Christian stewardship refers to the responsibility that Christians have maiNtaining and using wisely the gift God has bestowed. The Christian stewardship is not only responsible for the financial blessing supply by God but also the spiritual gifts that are provided through the Holy Spirit).

Hiai a tung a thute apan in Kemtu i chih tuh Pathian in amah siamsa thilte enkol dia mohpuakna hon piakte eimah deihdan leh hoihsak dan hilou a, a khasiangthou pina a sepsuah ding ahihdan hon theisak hi. Pathian deih bang kemtu muanhuai hihna ding in ei a Pathian thilpiak omte zatsiam poimoh mahmah hi. Huaiziak in kemtu muanhuai hihna ding in niteng dakkal teng a i khosak dan leh i omdan toh kisai ahi chih chiangtak in muh theih hi.

Kemtu Theih Masak Ding:

(a) Thil bangkim neitu Pathian ahihna: CS LewIs in “Na thilhihtheihna, suangtuah theihna, leh na thahatna tengteng Pathian akipan ahi, Na nuntakna khempeuh Amah na sepna din zang bei lechin leng, Amah a sa ngen pekik na hi leL hi” a na chi hial hi. Sam 24 na in Pathian bangkim neitu ahihna chiantak in hon lak hi. Paul in “Amah ah tuh bangkim siam ahi a, van a omte, lei a omte toh, muhtheih leh muhtheihlouhte toh, laltutphahte leng, thuneihnate leng; bangkim amah siam ahi, amah ading mah a siam ahi” (Kol.1:16) a na chi hi. Pathian ading a kizang tamlua, sem tamlua chih om theilou ding bang hi.

(b) Kemtu hihna michih mohpuak ahi: Peter in “Michih in thilpiak na muh bang zel un, Pathian hehpihna kemhoihte bang in, huaite in na kisepsak tuah zel un” a chi hi (1Pet.4:10). Tuabang ahihman in michih in Pathian thilpiak (Spiritual gift) i dawn dungzuia eimah sep theih ding mohpuakna nei chiat i hi chih a chiang hi.

PATHIAN THU KEMTU MUANHUAI: Pathian in bangkim a siam in Amah thupina ding leh Pahtawi a omna ding in a siam hi (Kol.1:16). A thupina in leitung pumpi a khuh/a tuamdim ding Pathian thiltup ahi (Zek 14:9). Hiai a thiltup sepkhiak na ding in Pathian in mihingte a zang hi.

(a) Adam & Evi: Adam leh Evi in Pathian thu a kep/ a zuih ding uh Thumanna ahi. Himahleh Pathian thuman sang a amau hamphatna ding a delh ziak un a na hihkhial uhi (Gen.3ff).

(b) Abraham: Abraham thumuh amah mimal lawkna ding hilou in Pathian thiltup tangtunna ding thil a na hizaw hi. Pathian thu Kemtu muanhuai ahih theihna din amah muhdan paipih lou in Pathian thupiak a bildoh zaw hi. Lamet tuaklou a omlai a leng lunglel lou a Pathian thu a manziak in a tate’n a Pa tungtawn in Pathian thupina a mu ua, a pa Pathian mah Pathian in a nei den uhi (Heb.11:1-22).

(c) Joseph: Joseph in Pathian thu a omna peuh a a hinpih a, athu a kebbit ziak in Pathian ompihna tang in, mi te’n Pathian omna mi a chi ua, a hinkhua ah lamzanna a tang hi (Gen. 39:2, 21, 23; 41:38).

(d) Danial leh a lawmte: Danial leh alawmte’n Pathian thu kembit a, a hinpih man un Pathian vualzawlna a tan ban uah, Kumpite leh mite mai ah Pathian hihna a taklang uhi.

Thukhitna: Jawlneite’n a thu muh uh amau ading hilou in, Pathian ading ahih ziak in sihngam in a gum uhi. Pathian thu kemtu muanhuai hihna ding in a thu a genvuak hilou a, hinna a taklat ding ahi. Pathian mizat Jawlneite ban ah Mosi, Sawltak Paul leh a dangdang te’n Pathian thutak Kemtu Muanhuai hihna ding in a na gentheih pih uhi. Abraham in a tapa Isak maitam a a lat lai in, a tapa in a pa nuak san mailou in, a pa tungtawn in Pathian hihna diktak a muh loh in, a pa Pathian mah a Pathian in a nei den hi. Nang hinkhua ah midangte leh na innkuante’n bang a mu ding ua? Ni khat Papi khat leh a tapa naupang nou khat a lou uh Wheat buh chinna Lou ah va hoh uhi. A lak hun tunma deuh in huihpiin nuai a, buhvuite heu gawp in lak ding omlou hi. A tapa lungkham mahmah in ka pa’n bang hon gen diam aw, chi a a ngaihtuah lai in, a pa’n lungkim mahmah kawm in “Tangtawn Suangpi aw Khrist…” chih la hon sakhe mawk hi. A tapa in hun sawtpi pai nung in “Hiai hun a ka pa aw tuh Sermon ka ngaihkhiak tengteng lak a thupi pen ahi” a chi hi (Ruth Messenger May-June 2017 Issue). Nang hinkhua in mi dangte lak ah bang gen anei dia? Pathian thu Kemtu Muan huai hihna ding in, athu a gen mai hilou a, hinkhua a lah khiak apoimoh mahmah hi.